Mae cyfres eiconig Celebrity Big Brother wedi dychwelyd i’r sgrin fach unwaith eto eleni. 

Dyma’r eildro i’r gyfres boblogaidd gael ei darlledu ar ITV ar ôl dychwelyd i’r sgrin fach y llynedd am y tro cyntaf mewn chwe blynedd. 

AJ Odudu a Will Best sy'n dychwelyd i gyflwyno'r gyfres unwaith eto. 

Ond pwy sydd yn serennu yn y gyfres eleni? 

Mae’r seren Hollywood Mickey Rourke ymhlith 13 o selebs sydd yn cymryd rhan yn y gyfres eleni. 

Mae’n ymuno gyda’r ddawnswraig JoJo Siwa, yr actores o EastEnders Patsy Palmer, seren Love Island Chris Hughes a’r cyn aelod seneddol Ceidwadol Michael Fabricant.  

Mae’r cerddor Chesney Hawkes, y gyflwynydd Trisha Goddard, pencampwyr y Gemau Olympaidd Daley Thompson, a seren cyfres The Only Way Is Essex Ella Rae Wise hefyd yn ymddangos yn y gyfres. 

Mae’r actor Jack P Shepherd sy’n adnabyddus am ei rôl yn Coronation Street hefyd yn rhan o Celebrity Big Brother eleni, yn ogystal â’r digrifwr Donna Breston, y cyflwynydd Angellica Bell a’r seren drag ac enillydd RuPaul’s Drag Race, Danny Beard. 

Cyn dychwelyd i ITV y llynedd, y tro diwethaf y cafodd Celebrity Big Brother ei darlledu oedd yn 2018, a hynny ar Channel 5. Enillodd yr actor Ryan Thomas. 

Y llynedd, fe enillodd y seren realiti David Potts.