Mae tri dyn wedi marw mewn gwrthdrawiad ym Mro Morgannwg brynhawn dydd Mawrth.

Digwyddodd y gwrthdrawiad ger Tresimwn (Bonvilston) ychydig cyn 17:00 ar ffordd yr A48.

Roedd y gwrthdrawiad rhwng dau gerbyd, car Ford Puma glas a lori Scania coch a du.

O ganlyniad i’r gwrthdrawiad mae dyn 51 oed o Borthcawl, dyn 34 oed o Ben-y-bont ar Ogwr a dyn 48 oed o Lynrhedynog wedi marw.

Bu'r ffordd ar gau am rai oriau ac mae Heddlu'r De wedi diolch i'r gymuned leol am eu hamynedd a'u dealltwriaeth.

Mae’r heddlu’n apelio ar unrhyw un a allai fod wedi gweld y gwrthdrawiad neu a allai fod â lluniau camera cerbyd i gysylltu ar 101 gan ddyfynnu rhif digwyddiad 2500102402.”