Mae dyn o Abertawe wedi ei garcharu ar ôl ymosodiad "treisgar" ar fenyw ddieithr.

Fe wnaeth Grantham Jones, 37 oed o Fonymaen, ddyrnu wyneb y ddioddefwraig sawl tro yn ystod y digwyddiad ym Monymaen.

Fe ddaeth yr ymosodiad i ben pan lwyddodd y fenyw i redeg i ffwrdd.

Ceisiodd pobl a oedd yn gysylltiedig â Jones i ddychryn y tyst yn ddiweddarach, er mwyn ceisio ei gorfodi i dynnu ei hadroddiad o'r digwyddiad i'r heddlu yn ôl.

Cafodd Jones ddedfryd o 12 mis yn y carchar.

Dywedodd y Ditectif Ringyll Mark Kayes: “Roedd Grantham Jones yn amlwg yn mwynhau bod yn dreisgar tuag at ddioddefwraig ddiniwed.

“Mae ei weithredoedd yn dangos ei fod yn amlwg yn berygl i eraill, a dyw hi ond yn iawn ei fod nawr yn dechrau cyfnod yn y carchar.”

Llun: Heddlu De Cymru