Mae’r Prif Weinidog Syr Keir Starmer wedi cyhoeddi ei fod yn cael gwaraed ar y corff NHS England.

Dywedodd Syr Keir Starmer ar ymweliad â Hull ddydd Iau y bydd NHS England yn cael ei ddiddymu er mwyn “torri biwrocratiaeth” a dod â'r gwasanaeth iechyd “yn ôl i reolaeth ddemocrataidd”.

Dywedodd Keir Starmer fod gan NHS England "haenau beichus o fiwrocratiaeth heb unrhyw linellau atebolrwydd clir".

Mae’r cyhoeddiad wedi denu ymateb chwyrn gan undebau gwasanaethau cyhoeddus. Dywedodd undeb Unsain fod y cyhoeddiad yn “shambolaidd” a bod angen "miloedd yn fwy o staff" ar y gwasanaeth iechyd yn Lloegr a chymorth i gadw gweithwyr.

Fe sefydlwyd NHS England yn 2012 ar ôl ad-drefnu’r gwasanaeth iechyd dan y Ceidwadwyr.

Dywed ysgrifennydd cyffredinol Unsain Christina McAnea bod y cyhoeddiad “yn ergyd” i weithwyr.

Dywedodd: “Ddiwrnodau yn ôl fe ddysgon nhw y byddai eu niferoedd yn cael eu torri i’r hanner, nawr maen nhw’n darganfod y bydd eu cyflogwr yn peidio â bodoli.

"Nid yw'r ffordd y mae'r newyddion am hyn wedi'i drin yn ddim llai na shambolig. Mae'n siŵr y gallai fod wedi cael ei reoli mewn ffordd fwy cydymdeimladol."

Llun: Wochit