Mae cynlluniau ar gyfer adfer hen bwll glo ym Merthyr wedi eu datgelu.

Mae’r ymgeisydd Merthyr (South Wales) Ltd wedi gwneud cais am gynllun diwygiedig ar gyfer adfer 285 hectar o dir a fu’n rhan o’r gwaith cloddio ym mwll glo Ffos-y-Frân.

Fe gafodd Ffos-y-Frân ei chau yn Nhachwedd 2023 ar ôl i Gyngor Sirol Merthyr Tudful wrthod cais i ymestyn i barhau i weithredu yno.

Fe wnaeth gwaith yn y pwll barhau heb ganiatâd cynllunio wedi Medi 2022, sef y dyddiad cau gwreiddiol. 

Image

Fe wnaeth hynny arwain at hysbysiad gorfodol yn cael ei rhoi cyn i’r dyddiad terfynol o gau’r pwll gael ei osod am 30 Tachwedd 2023.

Fe wnaeth y pwll glo gynhyrchu 11 miliwn o dunelli o lo rhwng 2007 a 2023.

Yn ôl yr ymgeiswyr, bydd y cais yn ceisio dull mwy cynaliadwy o adfer y tir, gan obeithio creu “tirwedd fwy bioamrywiol a naturiol".

Dywedwyd fod ardaloedd o’r safle eisoes wedi eu hadfer yn naturiol drwy beidio cael eu defnyddio, a bod yna arwyddion o natur yn ail-ddatblygu mewn mannau.

Lluniau: Merthyr (South Wales) Ltd.