Mae dyn a dynes, y ddau yn eu 90au, wedi marw wedi tân mewn tŷ.

Cafodd y gwasanaethau brys eu galw i'r tân yn Stryd Adam, Abertyleri ym Mlaenau Gwent, ddydd Sul am 07.55, meddai Heddlu Gwent.

Roedd y ddau wedi marw yn y fan a’r lle.

Dywedodd y llu fod eu perthnasau agosaf yn derbyn cefnogaeth gan swyddogion arbenigol.

“Daeth cadarnhad gan feddyg bod dau berson, dyn a dynes a’r ddau yn eu 90au, wedi marw yn y fan a’r lle gan feddyg,” meddai llefarydd ar ran yr heddlu.

“Mae eu perthynas agosaf yn ymwybodol ac yn derbyn cefnogaeth gan swyddogion arbenigol."