Mae’r Cymro Gerwyn Price allan o Bencampwriaeth Dartiau’r Byd wedi iddo gael ei drechu yn rownd yr wyth olaf ar ddydd Calan.

Fe gafodd y cyn Bencampwr Dartiau’r Byd o Gaerffili ei guro gan Chris Dobey yng ngêm gyntaf y flwyddyn brynhawn ddydd Mercher. 

Price oedd yr unig Gymro ar ôl yn y gystadleuaeth i frwydro am y teitl. 

Roedd yn ddechrau addawol i Gerwyn Price wedi iddo fynd ar y blaen o ddwy set i ddim yn erbyn Dobey o ogledd Lloegr ym Mhalas Alexandra yn Llundain. 

Ond fe enillodd Dobey bedair rownd yn olynol yn y ras i’r gyntaf i bump set. 

Fe lwyddodd Price i greu cyfle i’w hunain trwy ennill set. 

Ond gyda sgôr o 5-3, Dobey wnaeth sicrhau ei le yn y rownd gynderfynol ag yntau wedi dweud ei fod yn ffyddiog y bydd yn “mynd yr holl ffordd”.