Coeden Nadolig o Bowys sydd wedi cael ei dewis i fod y tu allan i Rif 10 Downing Street eleni. 

Mae cwmni Evergreen Christmas Trees yn cael ei redeg gan y teulu Reynolds ar Fferm Black House yn Nhrefyclo, ac fe fydd un o'u coed y tu allan i gartref Prif Weinidog y DU dros y Nadolig. 

Fe gafodd y cwmni ei enwi'n Bencampwr Tyfwr Coed Nadolig y Flwyddyn eleni.

Mae'r cwmni yn aelod o Rwydwaith Coed Nadolig Cyswllt Ffermio, sydd yn darparu dyddiau hyfforddiant, ymweliadau astudio ac opsiynau dysgu ar gyfer y farchnad tyfu coed Nadolig. 

Fe fydd y goeden yn cael ei gosod yn gynnar ym mis Rhagfyr.

Mae'r cwmni yn gobeithio ymweld â Downing Street yn mis Rhagfyr hefyd, ac fe fydd yr ymweliad yn cynnwys taith o amgylch y tŷ.