Mae'r un person yn yr ysbyty ar ôl "gwrthdrawiad difrifol" rhwng "sawl car" ger Cross Hands yn Sir Gaerfyrddin.

Dywedodd llefarydd ar ran y Gwasanaeth Ambiwlans eu bod nhw wedi eu galw i wrthdrawiad ar yr A48 ger Pont Abraham.

"Roeddem wedi danfon tri ambiwlans i'r digwyddiad," medden nhw. 

"Cafodd dau berson eu trin yn y fan a'r lle a chafodd un person ei gludo i'r ysbyty am driniaeth bellach."

Dywedodd Heddlu Dyfed-Powys bod disgwyl i ffordd yr A48 rhwng Pont Abraham a Cross Hands fod ar gau "nes heno".

Nid yw'r llu wedi dweud yn benodol pryd mae disgwyl i'r ffordd ail-agor.

Cafodd pedwar o griwiau Gwasanaeth Tân ac Achub Canolbarth a De Cymru eu galw i'r gwrthdrawiad am 11:54 fore Mawrth.

Llun: Nadine Wolsey