Roedd Mr Evans yn aelod o'r criw a oedd yn aros yng ngwesty'r Sapphire yn Kramatorsk, pan gafodd ei daro gan daflegrau ddydd Sadwrn.  

Dywedod llefarydd ar ran Reuters: “Ry'n ni yn ceisio darganfod rhagor o wybodaeth ar frys am yr ymosodiad, ac ry'n ni mewn cyswllt â'r awdurodau yn Kramatorsk, ac yn cefnogi ein cyd-weithwyr a'u teuluoedd.

“Rydym yn anfon ein cydymdeimlad dwysaf at deulu Ryan a'i ffrindiau.  

“Mae Ryan wedi helpu cymaint o newyddiadurwyr wrth iddyn nhw ohebu ar ddigwyddiadau o amgylch y byd; byddwn wir yn ei golli.”

Ychwanegodd Reuters bod dau o'u newyddiadurwyr mewn ysbyty, gydag un yn cael triniaeth ar gyfer anafiadau difrifol.  

Mae tri aelod arall o'r asiantaeth newyddion yn ddiogel.  

Yn ôl yr awdurdodau yn Wcráin, lluoedd Rwsia ymosododd ar y gwesty.

Dyw Rwsia ddim wedi gwneud sylw.  

Llun: Ryan Evans gan Reuters