Sinn Fein ydi'r brif blaid yng Ngogledd Iwerddon ar ôl noson ddramatig yn y dalaith.

Am y tro cyntaf erioed, Sinn Fein sydd a'r nifer uchaf o seddi'r dalaith  yn San Steffan, er nad ydi'r blaid weriniaethol yn cymryd eu seddi yn Llundain.

Mae ganddyn nhw 7 sedd, gyda'r Unoliaethwyr Democrataidd (DUP) yn ail efo 5 sedd, cenedlaetholwyr yr SDLP efo 2, ac un sedd yr un i bleidiau Unoliaethwyr Ulster, TUV, yr Alliance, ac Annibynnol.

Prif stori'r noson oedd tranc Ian Paisley Jnr yng Ngogledd Antrim - sedd sydd wedi bod ym meddiant teulu'r Paisley ers 1970. Roedd hon yn un o dair sedd wnaeth  y DUP  golli dros nos.

Mewn canlyniad annisgywl arall , llwyddodd Sorcha Eastwood o blaid ganolig yr Alliance i ennill sedd  Lagan Valley, cyn-etholaeth cyn-arweinydd y DUP Syr Jeffrey Donalson, wnaeth ymddiswyddo wedi iddo gael ei gyhuddo o droseddau rhywiol hanesyddol.

Dywedodd arweinydd Sinn Féin  Mary Lou McDonald ei bod hi'n benderfynol o greu "perthynas adeiladol gyda'r llywodraeth Lafur newydd."