Mae teyrnged wedi ei rhoi i ddynes "anhygoel" fu farw yn Abersoch yr wythnos diwethaf. 

Bu farw Caren Williams yn 33 oed ar 21 Mehefin yn dilyn cyfnod o “frwydro’n ddiflino gyda’i hiechyd meddwl,” meddai ei ffrind mewn teyrnged iddi. 

Wedi iddi sefydlu tudalen i godi arian er mwyn cefnogi teulu Ms Williams, dywedodd Gwenan Roberts yr oedd ei ffrind yn “anhygoel” a “chynnes” ac fe fydd colled fawr ar ei hol. 

“Roedd Caren yn anhygoel, fe ‘nath hi gyffwrdd a gymaint o galonnau,” meddai Gwenan Roberts. 

“Bydd gymaint o bobl yn gweld eisiau ei gwen gynnes, y ffordd yr oedd hi’n chwerthin, a’i hysbryd hardd!

“Roedd yn ferch, chwaer a ffrind cariadus i bawb, ac mi fydd ei theulu a’i ffrindiau yn ei cholli hi gymaint. 

"Yn 33 oed, roedd ganddi ei holl fywyd o’i blaen, yn ifanc am byth,” meddai Ms Roberts.