Mae Llenyddiaeth Cymru wedi cyhoeddi rhestr fer Llyfr y Flwyddyn 2024.

Dywedodd Llenyddiaeth Cymru fod Llyfr y Flwyddyn yn “wobr flynyddol sy’n dathlu llenorion talentog Cymreig sy’n rhagori mewn ffurfiau llenyddol amrywiol yn y Gymraeg a’r Saesneg”.

Mae pedwar categori yn y ddwy iaith – Barddoniaeth, Ffuglen, Ffeithiol Greadigol a Phlant a Phobl Ifanc, gydag un o’r enillwyr categori hyn yn mynd ymlaen i ennill y Brif Wobr, ac yn hawlio’r teitl Llyfr y Flwyddyn. 

Mae deuddeg gwobr, gyda chyfanswm o £14,000 ar gael i’r awduron llwyddiannus. Yn Gymraeg ac yn Saesneg mae pedwar enillydd categori, un enillydd Barn y Bobl ac un prif enillydd.

Pridd gan Llŷr Titus (Gwasg y Bwthyn) enillodd Y Brif Wobr a Gwobr Ffuglen yn y Gymraeg yn 2023.

Ychwanegodd Llenyddiaeth Cymru: “Mae Gwobr Llyfr y Flwyddyn yn rhan annatod o weithgaredd Llenyddiaeth Cymru, ac yn cyfrannu tuag at ei strategaeth o ddathlu a chynrychioli diwylliant, awduron a threftadaeth lenyddol Cymru. Mae’r wobr yn rhoi llwyfan allweddol i awduron sy’n cyhoeddi cyfrolau am y tro cyntaf, yn ogystal â llwyfan arbennig i gynnig cydnabyddiaeth i rai o awduron amlycaf Cymru.”

Y Rhestr Fer Gymraeg:

Y Wobr Farddoniaeth:

Mae Bywyd Yma - Guto Dafydd (Gwasg Carreg Gwalch)

Mymryn Rhyddid - Gruffudd Owen (Cyhoeddiadau Barddas)

Y Traeth o Dan y Stryd - Hywel Griffiths (Cyhoeddiadau Barddas)

Gwobr Ffeithiol Greadigol:

Cranogwen - Jane Aaron (Gwasg Prifysgol Cymru)

Y Delyn Aur - Malachy Owain Edwards (Gwasg y Bwthyn)

Trothwy - Iwan Rhys (Y Lolfa)

Gwobr Ffuglen:

Sut i ddofi Corryn - Mari George (Sebra)

Anfadwaith - Llŷr Titus (Y Lolfa)

Raffl - Aled Jones Williams (Gwasg Carreg Gwalch)

Gwobr Plant a Phobl Ifanc Bute Energy:

Jac a'r Angel - Daf James (Y Lolfa)

Astronot yn yr Atig - Megan Angharad Hunter (Y Lolfa)

Y Nendyrau - Seran Dolma (Gwasg y Bwthyn)

Y Rhestr Fer Saesneg:

Y Wobr Farddoniaeth:

In Orbit - Glyn Edwards (Seren)

I Think We're Alone Now - Abigail Parry (Bloodaxe Books)

Cowboy - Kandace Siobhan Walker (CHEERIO Publishing)

Gwobr Ffeithiol Greadigol:

Sarn Helen - Tom Bullough (Granta Publications)

Birdsplaining: A Natural History - Jasmine Donahaye (New Welsh Rarebyte)

Spring Rain - Marc Hamer (Harvill Secker)

Gwobr Ffuglen Ymddiriedolaeth Rhys Davies:

Neon Roses - Rachel Dawson (John Murray)

The Unbroken Beauty of Rosalind Bone - Alex McCarthy (Doubleday)

Stray Dogs - Richard John Parfitt (Third Man Books)

Gwobr Plant a Phobl Ifanc Bute Energy:

Brilliant Black History - Atinuke (Bloomsbury Children's Books)

Skrimsli - Nicola Davies (Firefly Press)

Where the River Takes Us - Lesley Parr (Bloomsbury Children's Books)

Llun: Llenyddiaeth Cymru