Mae'r llun cyntaf o'r Dywysoges Catherine wedi cael ei ryddhau ers iddi dderbyn triniaeth ar yr abdomen ym mis Ionawr.

Fe gafodd y llun o Dywysoges Cymru gyda'i phlant ei dynnu gan y Tywysog William yn Windsor yn gynharach yn yr wythnos.

Cafodd ei gyhoeddi ddydd Sul i nodi Sul y Mamau.

Inline Tweet: https://twitter.com/KensingtonRoyal/status/1766750995445387393?s=20

Yn y neges, dywedodd y Dywysoges: "Diolch am eich dymuniadau da a'ch cefnogaeth barhaus dros y ddau fis diwethaf.

"Gan ddymuno Sul y Mamau Hapus i bawb."

Dywedodd llefarydd ar ran Palas Kensington ym mis Ionawr na fyddai'r Dywysoges yn dychwelyd i gyflawni dyletswyddau cyhoeddus tan ar ôl y Pasg.