Mae’r Swyddfa Dywydd wedi cyhoeddi rhybudd oren am wyntoedd cryfion pan fydd Storm Isha yn taro Cymru ddydd Sul. 

Bydd y rhybudd mewn grym o 18.00 ddydd Sul hyd at 9.00 fore Llun.

Mae rhybudd melyn am law trwm hefyd wedi'i gyhoeddi ar hyd y wlad, a fydd yn para o 06.00 bore Sul hyd at 06.00 fore Llun.

Mae’r Swyddfa Dywydd wedi rhybuddio y gallai’r tywydd garw beryglu bywyd, gyda disgwyl Tonnau mawrion ar hyd yr arfordir. 

Bydd disgwyl i’r gwyntoedd cryfion gyrraedd hyd at 80mya ar hyd yr arfordir, ond bydd gwyntoedd rhwng 50-60mya i’r mwyafrif o ardaloedd. 

Mae disgwyl i rai ffyrdd a phontydd fod ar gau, gyda’r gwyntoedd cryfion hefyd yn achosi oedi ar y ffyrdd a thrafnidiaeth gyhoeddus.

Mae’r Swyddfa Dywydd yn annog unigolion i aros adref ddydd Sul ac i osgoi gyrru os oes modd gwneud hynny. 

Maen nhw hefyd rhybuddio y gallai difrod gael ei achosi i rai adeiladau a thai, ac i baratoi at golli cyflenwad pŵer am gyfnod. 

Siroedd

Mae’r rhybudd oren yn berthnasol i’r siroedd canlynol:

• Blaenau Gwent

• Pen-Y-Bont ar Ogwr

• Caerffilli

• Caerdydd

• Caerfyrddin

• Ceredigion

• Conwy

• Gwynedd

• Ynys Môn

• Merthyr Tudful

• Sir Fynwy

• Castell-nedd Port Talbot

• Casnewydd

• Sir Benfro

• Powys

• Rhondda Cynon Taf

• Abertawe

• Torfaen

• Bro Morgannwg