Mae’r Swyddfa Dywydd wedi cyhoeddi rhybudd melyn am law trwm ar draws rhannau o dde orllewin a chanolbarth Cymru.  

Fe fydd y rhybudd mewn grym o 12:00 ddydd Sul ac fe fydd yn parhau tan 09:00 fore ddydd Llun.

Gall oedi fod yn debygol ar wasanaethau trên a bws, gyda disgwyl i deithiau gymryd mwy o amser. 

Yn ôl y Swyddfa Dywydd gallai rhai siroedd brofi cawodydd trwm gyda hyd at 50mm o law yn disgyn mewn mannau.

Mae'r rhybudd yn effeithio ar y siroedd canlynol: 

• Castell-nedd Port Talbot 

• Sir Benfro 

• Powys

• Abertawe

• Sir Gaerfyrddin