Arestio dyn ar amheuaeth o ymosod ar Roy Keane
Mae dyn, 42 oed wedi’i arestio ar amheuaeth o ymosod ar y cyn bêl-droediwr a'r sylwebydd Roy Keane, wedi digwyddiad yn Stadiwm Emirates, ddydd Sul.
Digwyddodd yr ymosodiad honedig yn dilyn buddugoliaeth Arsenal dros Manchester United.
Roedd Roy Keane yn sylwebu ar y gêm.
Mae lluniau, a gafodd eu cyhoeddi ar gyfryngau cymdeithasol yn dangos ei gyd-sylwebydd Sky Sports, Micah Richards, yn dal dyn yn erbyn wal eiliadau ar ôl yr ymosodiad honedig, ddydd Sul.
Mewn datganiad, dywedodd Heddlu’r Metropolitan Llundain: “Mae’r heddlu’n ymchwilio i ddigwyddiad yn Stadiwm Emirates ddydd Sul, Medi 3, pan ymosodwyd ar ddyn.
“Ddydd Llun, Medi 4, cafodd dyn 42 oed ei arestio ar amheuaeth o ymosod (ABH).
“Mae’r dyn wedi’i gludo i ddalfa’r heddlu.”
Mae ymholiadau'r heddlu yn parhau.
Dywedodd Sky Sports fod Micah Richards wedi ceisio “atal” y sefyllfa ar ôl yr ymosodiad honedig.
Dywedodd llefarydd ar ran y darlledwyr: “Rydym yn deall bod yr heddlu’n ymchwilio i ymosodiad honedig gan aelod o’r cyhoedd yn union cyn y ffilm sy’n cylchredeg ar gyfryngau cymdeithasol.
“Yn y ffilm sydd wedi cael ei gweld, roedd Micah Richards yn gweithredu i dawelu’r sefyllfa.”