Mae Nadine Dorries wedi ymddiswyddo fel aelod seneddol y DU, ddeufis ar ôl iddi addo rhoi’r gorau i’w sedd.

Mewn datganiad dywedodd wrth y Prif Weinidog Rishi Sunak “na fydd hanes yn eich barnu’n garedig”.

Fe wnaeth aelod seneddol ceidwadol dros Mid Bedforshire gyhoeddi ei bwriad i ymddiswyddo ar 14 Mehefin.

Dywedodd fod Mr Sunak wedi rhoi’r gorau i “egwyddorion sylfaenol Ceidwadaeth”.

Nid oedd hi wedi siarad yn San Steffan ers Mehefin 2022.

Roedd wedi cynrychioli ei hetholaeth ers 18 mlynedd.