Y Gymraes Jessica Robinson yn cyrraedd ffeinal cystadleuaeth Canwr y Byd

12/06/2023
S4C

Mae’r Gymraes Jessica Robinson wedi cyrraedd ffeinal cystadleuaeth Canwr y Byd 2023. 

Daw Ms Robinson, 32 oed yn wreiddiol o Landysilio yn Sir Benfro ond mae bellach yn byw yng Nghaerdydd.

Fe ddaeth Ms Robinson i’r brig wrth gystadlu yn rownd 2 y gystadleuaeth nos Lun yn Neuadd Dewi Sant, Caerdydd. 
 
Mae tair gwobr ar gael yn y gystadleuaeth, sef y Brif Wobr a theitl ‘Canwr y Byd’, Gwobr y Gân a Gwobr y Gynulleidfa.

Fe wnaeth Ms Robisnon ennill Cystadleuaeth Cantorion Cymreig 2022 ym mis Rhagfyr y llynedd gan sicrhau lle yng nghystadleuaeth Canwr y Byd 2023.

Er bod Ms Robinson yn adnabyddus fel cantores broffesiynol erbyn hyn, i lawer mae hi’n cael ei chofio am ei llwyddiant mewn Eisteddfodau yng Nghymru yn cynnwys y Ffermwyr Ifanc, yr Urdd , Genedlaethol ac Eisteddfodau lleol.

A chyn perfformio dywedodd bod ei dyled yn fawr iawn i'r Eisteddfodau hynny. 

Caiff perfformiadau ar gyfer y Brif Wobr eu perfformio gyda cherddorfa. Mae dwy gerddorfa yn rhan o’r gystadleuaeth eleni sef Cerddorfa Genedlaethol Gymreig y BBC a Cherddorfa Opera Cenedlaethol Cymru.

Mae Gwobr y Gân yn cael ei rhoi am berfformiad personol o rai o ganeuon Lieder a chelfyddydol i gyfeiliant piano yn unig.

Bydd ffeinal cystadleuaeth Canwr y Byd 2023 yn cael ei darlledu ar BBC Two Wales a BBC Four ar 18 o Fehefin.

Newyddion diweddaraf

Mae'r wefan hon yn defnyddio cwcis i sicrhau eich bod chi'n cael y profiad gorau ar ein gwefan.