Mae rhybudd newydd oren ar gyfer iâ ac eira wedi ei gyhoeddi i rannau o Gymru.

Dywedodd y Swyddfa Dywydd fod disgwyl i eira a rhew achosi “trafferthion sylweddol” ar draws gogledd-ddwyrain Cymru a Phowys.

Mae’r rhybudd yn parhau o 12:00 ddydd Iau nes 09:00 bore ddydd Gwener.

Dywedodd y Swyddfa Dywydd y gallai hyd at 30cm o eira syrthio mewn rhai mannau, gyda 10-20cm yn debygol.

Mae'r rhybudd oren mewn grym yn rhan o Wynedd, rhan o Bowys, yn ogystal a rhannau o Sir Conwy, Sir Ddinbych, Sir y Fflint a Wrecsam.

Mae'r rhybudd melyn ar gyfer y siroedd canlynol ddydd Iau: 

• Ynys Môn
• Gwynedd
• Conwy
• Sir Ddinbych
• Sir y Fflint
• Wrecsam
• Powys
• Sir Gâr
• Ceredigion
• Sir Fynwy

Cyhoeddwyd bore ddydd Iau y bydd dros 80 o ysgolion ar gau yn Sir y Fflint, 40 ym Mhowys, a phob ysgol yn Wrecsam.

Mae rhai ysgolion hefyd ar gau yng Ngwynedd, Sir Ddinbych, Sir Conwy, Caerffili, Blaenau Gwent a Thorfaen.

Daw'r tywydd gaeafol pellach ddiwrnod yn unig wedi i eira daro rhannau o'r de a'r de orllewin ddydd Mercher gan orfodi nifer o ysgolion i gau. 

Mae'r Swyddfa Dywydd hefyd wedi cyhoeddi rhybudd melyn am eira a rhew o'r newydd i rannau o'r de a'r canolbarth ar gyfer bore dydd Gwener. 

Fe fydd yn rhybudd yn dod i rym am 04:00 bore Gwener ac yn para hyd at 10:00 y bore. 

Fe fydd y siroedd canlynol yn cael eu heffeithio gan y rhybudd. 

• Blaenau Gwent 
• Castell-nedd Port Talbot
• Powys
• Torfaen
• Merthyr Tudful 
• Caerffili 
• Sir Fynwy
• Rhondda Cynon Taf 

Ysgolion

Bydd pa ysgolion sydd ar gau yn cael ei gyhoeddi ar wefannau y cynghorau unigol. Mae modd eu gwirio isod:

• Abertawe- https://www.abertawe.gov.uk/ysgolionargau?lang=cy
• Sir Benfro https://www.sir-benfro.gov.uk/ysgolion-sydd-ar-gau
• Blaenau Gwent- https://www.blaenau-gwent.gov.uk/en/resident/schools-learning/school-closures/
• Bro Morgannwg- https://www.valeofglamorgan.gov.uk/cy/our_council/Council-Premises-and-School-Closure-Updates.aspx
• Caerdydd- https://www.cardiff.gov.uk/CYM/preswylydd/Ysgolion-a-dysgu/Ysgolion/Pages/default.aspx
• Caerffili- https://www.caerffili.gov.uk/services/schools-and-learning/schools,-term-dates-and-closures/check-if-your-school-is-closed?lang=cy-gb
• Casnewydd- https://www.newport.gov.uk/cy/Schools-Education/Schools/Schools.aspx
• Castell-Nedd Port- Talbot- https://www.npt.gov.uk/1611
• Ceredigion- https://www.ceredigion.gov.uk/preswyliwr/ysgolion-ac-addysg/gwybodaeth-am-ysgolion/
• Conwy- https://www.conwy.gov.uk/cy/Resident/Education-and-Families/School-Closures.aspx
• Sir Ddinbych- https://www.denbighshire.gov.uk/cy/addysg-ac-ysgolion/cau-ysgolion-mewn-argyfwng.aspx
• Y Fflint- https://www.siryfflint.gov.uk/cy/Resident/Schools/SchoolClosures.aspx
• Sir Fynwy- https://www.monmouthshire.gov.uk/cy/2022/02/ysgolion-ar-gau/
• Sir Gaerfyrddin- https://ysgolionargau.sirgar.llyw.cymru
• Gwynedd- https://diogel.gwynedd.llyw.cymru/digwyddiadauargyfwng
• Merthyr Tudful- https://schoolclosures.merthyr.gov.uk
• Pen-y-bont ar Ogwr- https://www.bridgend.gov.uk/cy/preswylwyr/ysgolion-ac-addysg/cau-ysgolion/
• Powys- https://cy.powys.gov.uk/ysgolionargau
• Rhondda Cynon Taf- https://www.rctcbc.gov.uk/CY/Resident/SchoolsandLearning/Schooltermdatesinsetdaysandemergencies/Emergencyclosures.aspx
• Torfaen- https://www.torfaen.gov.uk/cy/CrimeEmergencies/EmergencyManagement/Emergencies-severeweatherwarnings/Severe-Weather.aspx
• Wrecsam- https://www.wrecsam.gov.uk/school-status
• Ynys Môn- https://www.ynysmon.llyw.cymru/cy/Trigolion/Ysgolion-a-dysgu/Ysgolion-wedi-cau.aspx

Llun: Dylan Wyn

Llun: Eira yn Hen Golwyn bore ma.