Newyddion S4C

Maes manceinion

Cau maes awyr Manceinion i awyrennau o achos eira

NS4C 19/01/2023

Mae Maes Awyr Manceinion wedi cau ei ddwy lain glanio dros dro oherwydd eira trwm.

Dywedodd datganiad gan swyddogion ar Twitter: “Yn dilyn cyfnod o eira trwm, rydyn ni wedi cau’r ddwy lain glanio dros dro.

“Iechyd a diogelwch fydd ein prif flaenoriaeth bob amser a bydd gweithrediadau’n ailddechrau cyn gynted â phosibl.

“Cynghorir teithwyr i gysylltu â’u cwmni hedfan i gael y wybodaeth hedfan fwyaf diweddar.”

Llun: Maes Awyr Manceinion 

This website uses cookies to ensure you get the best experience on our website.