Mae rhybudd melyn wedi ei gyhoeddi am wynt a glaw dros ran helaeth o Gymru yn ddiweddarach dydd Llun.

Bydd 18 o siroedd ar draws y wlad yn cael eu heffeithio.

Mae'r rhybudd mewn grym rhwng 18:00 ac 23:59.

Fe allai gwyntoedd gyrraedd hyd at 70 milltir yr awr mewn mannau arfordirol ac mae disgwyl y bydd 20mm o law yn disgyn mewn awr.

Fe allai cenllysg a tharanau daro rhai mannau, gyda rhybuddion am effaith i bobl sy'n gyrru ar ffyrdd, yn ogystal â gwasanaethau trafnidiaeth gyhoeddus.

Bydd y rhybudd yn effeithio ar y siroedd canlynol:

• Abertawe
• Blaenau Gwent
• Bro Morgannwg
• Caerdydd
• Caerffili
• Casnewydd
• Castell-nedd Port Talbot
• Ceredigion
• Gwynedd
• Merthyr Tudful
• Pen-y-bont ar Ogwr
• Powys
• Rhondda Cynon Taf
• Sir Benfro
• Sir Fynwy
• Sir Gâr
• Torfaen
• Ynys Môn