Mae'r heddlu gwrth-derfysgaeth sy'n ymchwilio i farwolaeth y cyn AS Ann Widdecombe wedi ail-agor ymchwiliad i ymgais i fwrgleriaeth y llynedd. 

Fe ddaeth yr heddlu yn ymwybodol o'r digwyddiad mewn cyfeiriad yn ardal Llundain ym mis Ebrill 2025. 

Fe wnaeth Heddlu'r Met a'r uned heddlu gwrth-derfysgaeth ymchwilio, ond ni chafodd neb eu harestio ac fe gafodd yr ymchwiliad ei gau tra bod unrhyw ymholiadau newydd yn cael eu cynnal.

Ers iddo ail-agor, mae'r heddlu wedi dod o hyd i wybodaeth "a allai fod wedi bod yn berthnasol" ond "nad oedd wedi ei nodi ganddynt ar y pryd". 

Mae’r Swyddfa Annibynnol ar gyfer Ymddygiad yr Heddlu (IOPC) bellach yn ymchwilio i “ymddygiad” aelod o staff o'r heddlu gwrth-derfysgaeth yn dilyn honiad fod y gweithiwr wedi "methu ag adnabod ymholiad" yn ymwneud â'r bwrgleriaeth. 

Bu farw'r cyn-weinidog Ceidwadol a llefarydd ar ran Reform UK, Ann Widdecombe yn 78 oed ar 8 Gorffennaf wedi iddi gael ei tharo ar ei phen 21 gwaith gyda morthwyl yn ei chartref yn Haytor, Dartmoor.

Cafodd Joshua Kerry ei gyhuddo o'i llofruddiaeth ar 20 Gorffennaf. 

Dywedodd Vicki Evans, uwch-gydlynydd cenedlaethol ar gyfer heddlu gwrth-derfysgaeth: “Fel rhan o’r ymchwiliad parhaus dan arweiniad heddlu gwrth-derfysgaeth ar gyfer ardal  y de-ddwyrain i lofruddiaeth Ann Widdecombe, mae swyddogion wedi ail-agor ymchwiliad i ddigwyddiad a gafodd ei adrodd i’r heddlu y llynedd.

"O ystyried natur y mater a'r diddordeb cyhoeddus sylweddol i'r ymchwiliad i farwolaeth Ann Widdecombe, roedd yn hynod bwysig i ni ddarparu'r diweddariad yma."

Fe wnaeth Heddlu Gwrth-derfysgaeth Llundain wneud "atgyfeiriad ymddygiad gorfodol" i'r IOPC ddydd Gwener.