Mae gyrrwr beic modur wedi marw mewn gwrthdrawiad ym Mhen Llŷn dydd Sadwrn, yn ôl adroddiadau lleol.

Cyhoeddodd Heddlu Gogledd Cymru bod ffordd y B4113 ym Mynytho ar gau am gyfnod yn dilyn y gwrthdrawiad.

Y gred yw bod gyrrwr y beic modur a fu farw yn dod o'r ardal.

Roedd adroddiadau fod ambiwlans awyr wedi glanio yn y pentref wedi'r ddamwain.

Mae nifer o deyrngedau wedi eu cyhoeddi i'r dyn a fu farw ar gyfryngau cymdeithasol, ond nid yw ei enw wedi ei ryddhau'n swyddogol eto.

Dywedodd yr heddlu bod y ffordd ym Mynytho ar gau am gryn amser wedi'r ddamwain, gyda theithwyr yn cael eu dargyfeirio drwy'r pentref.

Nid oes rhagor o fanylion am y gwrthdrawiad ar hyn o bryd.