Mae Lloegr wedi dod yn drydydd yng Nghwpan y Byd FIFA 2026 ar ôl iddyn nhw guro Ffrainc o 6-4 mewn gêm gyffrous ym Miami nos Sadwrn.

Roedd Lloegr ar y blaen o 4-0 ar yr egwyl cyn i Ffrainc daro nôl yn yr ail hanner, gan gynnwys dwy gôl gan Kylian Mbappé.

Mae Mbappé bellach wedi sgorio 22 gôl yn y gystadleuaeth, sef y mwyaf erioed yn hanes Cwpan y Byd – dwy ar y blaen i Lionel Messi o'r Ariannin fydd yn herio Sbaen yn y rownd derfynol nos Sul.

Fe sgoriodd Bukayo Saka dair gôl dros Loegr ac fe ychwanegodd Jude Bellingham y chweched i’w dîm, y seithfed yn y gystadleuaeth iddo ef – y mwyaf gan Sais mewn twrnament unigol Cwpan y Byd.

Dyma'r gorau mae Lloegr wedi gwneud yn y gystadleuaeth ers ennill yn 1966.

Llun: Reuters