Mae dyn wedi cael ei gyhuddo mewn cysylltiad â gwrthdrawiad car a arweiniodd at farwolaethau tri o bobl ifanc ger Caerdydd yn 2023. 

Mae Neil Lewis, 47 oed, wedi ei gyhuddo o dwyll drwy gynrychiolaeth ffug. 

Bydd yn ymddangos yn Llys Ynadon Caerdydd ar 21 Gorffennaf. 

Mae'r drosedd mewn cysylltiad â phrawf MOT ar gyfer y cerbyd oedd yn rhan o'r gwrthdrawiad am tua 02:00 ar 4 Mawrth 2023 a arweiniodd at farwolaethau'r gyrrwr Rafel Jeanne a'r teithwyr Darcy Ross ac Eve Smith.

Daethpwyd o hyd iddynt bron i ddau ddiwrnod yn ddiweddarach, ychydig ar ôl hanner nos ar 6 Mawrth, mewn ardal goediog oddi ar yr A48, yn Llaneirwg.

Cafodd y drosedd ei nodi gan swyddogion oedd yn ymchwilio i'r gwrthdrawiad angheuol.