Mae disgwyl i’r Prif Weinidog newydd, Andy Burnham, gyhoeddi ddydd Mawrth ei fod yn bwriadu cael gwared ar Dreth ar Werth (TAW) ar filiau ynni o 1 Hydref  "i helpu pobl gyda'r argyfwng costau byw".

Fe fydd yn cadeirio ei gyfarfod Cabinet cyntaf ar ôl iddo gymryd ei swydd fel Prif Weinidog ddydd Llun.

Fe addawodd y Prif Weinidog newydd ddarparu "lle i anadlu" i aelwydydd sy'n cael trafferth gyda chostau byw tu allan i Rif 10, Downing Street.

Yn ei anerchiad cyntaf fel Prif Weinidog, fe addawodd Mr Burnham y newid mwyaf i wleidyddiaeth Prydain mewn 40 mlynedd, a dywedodd y byddai'n cyflwyno "model gwleidyddol newydd a model economaidd newydd" i Brydain.

Dywedodd y Canghellor John Healey y byddai dileu'r TAW ar filiau ynni yn cael ei ariannu o ganslo'r rhaglen ID Digidol.

"Am gyfnod rhy hir, mae gormod o bobl wedi cael trafferth gyda chostau byw," meddai.

"Bydd torri’r dreth ynni heddiw yn rhoi rhywfaint o le i deuluoedd anadlu ar filiau, ac yn rhoi rhywfaint o sicrwydd y gaeaf hwn.

"Mae’r mesur hwn yn cael ei ariannu eleni drwy ganslo’r rhaglen ID Digidol, a bydd yn helpu i ostwng chwyddiant wrth gefnogi aelwydydd ym mhob cod post."