Mae darlun enfawr o'r bardd Dylan Thomas wedi ei greu ar ochr bryn yn yn Sir Gâr.

Mae'r gwaith wedi ei greu gan ddefnyddio pridd a rhisgl ar dir Gerddi Botaneg Genedlaethol Cymru.

Mae'n un o 10 eicon lleol adnabyddus sy’n cael eu creu gan yr artist preswyl Nathan Wyburn yn ystod ei gyfnod yn yr Ardd Fotaneg, fel rhan o Ŵyl y Pethau Bychan yno ddydd Sul.

Bydd ymwelwyr yn gallu gwylio Nathan yn gweithio’n fyw ar ei gampwaith drwy gydol y dydd. 

Mae ei broses greadigol – troi pethau bach yn rhywbeth godidog – wrth wraidd yr ŵyl.

Bydd yr ŵyl yn "ddathliad bywiog, dwyieithog yn dod â diwylliant Cymru yn fyw trwy ddiwrnod o ddarganfod, creadigrwydd a chysylltiad" meddai'r trefnwyr.