Mae Geraint Thomas wedi gorffen yn drydydd yn y Tour de France ar ôl cymal olaf cyfforddus ddydd Sul. 

Jasper Philipsen o Wlad Belg ddaeth yn fuddugol ym Mharis.

Llwyddodd Thomas i orffen fel y “gorau o’r gweddill,” gan gyrraedd y podiwm am y trydydd gwaith yn ei yrfa. 

Daeth Thomas yn gyntaf yn 2018 ac yn ail yn 2019.

Mewn cyfweliad ar raglen Seiclo, S4C ar ddiwedd y cymal olaf, dywedodd Thomas: “Mae’n llwyddiant i fi, fy ngwraig a fy nheulu. Mae nhw bob amser wedi fy nghefnogi.” 

"Got the Commonwealth Games, that's what all this training is all for" 🏴󠁧󠁢󠁷󠁬󠁳󠁿@GeraintThomas86 yn barod i gynrychioli @TeamWales yn Birmingham!

🇫🇷 Le Tour de France | Cymal 21 | S4C#Seiclo pic.twitter.com/oKKPjUCHly

— S4C Chwaraeon 🏴󠁧󠁢󠁷󠁬󠁳󠁿 (@S4Cchwaraeon) July 24, 2022

Bydd y Cymro yn cystadlu nesaf yng Ngemau’r Gymanwlad dros yr wythnosau nesaf. 

Nid Geraint Thomas yw'r unig Gymro bydd yn dathlu ym Mharis nos Sul. Llwyddodd y Cymro, Owain Doull i gwblhau'r Tour de France am y tro cyntaf. 

Breuddwyd wedi dod yn wir i @owaindoull i gwblhau y Tour de France!
Dream come true for the Welshman! 🏴󠁧󠁢󠁷󠁬󠁳󠁿

🇫🇷 Le Tour de France | Cymal 21 | S4C#Seiclo pic.twitter.com/f7WIQDz84E

— S4C Chwaraeon 🏴󠁧󠁢󠁷󠁬󠁳󠁿 (@S4Cchwaraeon) July 24, 2022