Mae'r cyn-chwaraewr rygbi Gary Samuel wedi marw yn 78 oed yn dilyn cyfnod byr o salwch. 

Yn wreiddiol o Ddyffryn Aman, fe wnaeth y mewnwr gynrychioli Caerdydd 112 o weithiau rhwng 1965 a 1976. 

Bu'n rhan o garfan gyntaf Caerdydd i fynd ar daith dramor, a hynny i Dde Affrica yn 1967. 

Cardiff Rugby are deeply saddened to learn of the passing of former scrum half, Gary Samuel.

The thoughts of everyone at Cardiff Rugby are with Gary’s wife, Bethan, and son, Rhodri at this difficult time.

— Cardiff Rugby (@Cardiff_Rugby) July 18, 2022

Yn ddiweddarach yn ei yrfa symudodd i Bontypridd yng nghanol yr 1970au, gan sgorio saith cais mewn 50 gêm dros y clwb. 

Ar ôl ymddeol o'r gamp, fe wnaeth ddychwelyd i Gaerdydd fel hyfforddwr, gyda'r clwb yn profi llwyddiant wrth ennill Cwpan Schweppes. 

Wrth dalu deyrnged iddo, dywedodd y darlledwr Huw Llywelyn Davies yr oedd Gary yn "un o gymeriadau mawr y byd." 

"Roedd o'n gwmniwr gwych, yn llawn direidi, ac wedi cyfrannu mewn cymaint o feysydd gwahanol." 

"Oedd e'n enwog am ei dalent fel chwaraewr rygbi wrth gwrs, ond fe naeth ei gyfraniad mawr yn ei gymuned hefyd." 

"Roedd e mor boblogaidd gan bawb ac fe fydd na bwlch mawr ar ei ôl e yn ei filltir sgwar ac ymhell a thu hwnt o hynny hefyd." 

Mae'n gadael ei wraig Bethan, a'i fab Rhodri.