Newyddion S4C

Bale / LAFC

Gareth Bale yn chwarae ei gêm gyntaf i LAFC

NS4C 18/07/2022

Daeth Gareth Bale oddi ar y fainc i chwarae ei gêm gyntaf i LAFC yn erbyn Nashville neithiwr.

Chwaraeodd Bale 20 munud ola'r gêm wrth i LAFC ennill 2-1.

Er nad oedd gan Bale gyfle i wneud llawer o gyfraniad, fe wnaeth ôl-sodliad gyda'i gyffyrddiad cyntaf, gan gyffroi cefnogwyr LAFC.

Fe wnaeth capten Yr Eidal, Georgio Chiellini, hefyd chwarae ei gêm gyntaf i'r clwb neithiwr.

Mae LAFC ar frig y gynghrair gyda 42 pwynt yn dilyn eu buddugoliaeth neithiwr, pwynt uwchben Austin yn yr ail safle.

Dywedodd Gareth Bale ar ôl y gêm: "Roedd hi'n deimlad gwych i chwarae. Mi oeddwn ni yn awyddus iawn i ddod ar y cae ers yr hanner cyntaf. Unwaith oeddwn i wedi dod oddi ar y fainc, roeddwn i eisiau helpu'r tîm. Roedd hi hefyd yn bwysig i mi wella fy ffitrwydd."

Llun: LAFC

This website uses cookies to ensure you get the best experience on our website.