Mae rhybudd melyn am stormydd wedi ei gyhoeddi ar gyfer y rhan helaeth o Gymru ddydd Iau.

Mae'r rhybudd gan y Swyddfa Dywydd mewn grym rhwng 10:00 a 23:59.

Mae rhybuddion y gallai'r stormydd achosi llifogydd a difrod i adeiladau.

Fe allai gwasanaethau trafnidiaeth gael eu hoedi o ganlyniad i lifogydd neu daranau ac fe allai achosi amodau teithio gwael.

Gallai bŵer gael ei golli mewn rhai cartrefi a busnesau.

Mae'r rhybudd yn effeithio ar 15 o siroedd Cymru:

• Blaenau Gwent
• Bro Morgannwg
• Caerdydd
• Caerffili
• Casnewydd
• Castell-nedd Port Talbot
• Pen-y-bont ar Ogwr
• Powys
• Merthyr Tudful
• Rhondda Cynon Taf
• Sir Ddinbych
• Sir Fynwy
• Sir y Fflint
• Torfaen
• Wrecsam