Mae cyn-Aelod o’r Senedd wedi dweud nad yw gwleidyddion Cymru yn “adlewyrchu’r bobl maen nhw’n eu cynrychioli”.

Mewn cyfweliad gyda Guto Harri, dywedodd Suzy Davies o’r Ceidwadwyr Cymreig ei bod yn poeni na fydd pobl ifanc yn medru uniaethu gyda gwleidyddion Cymru “os maen nhw’n gweld Senedd sy’n llawn dynion canol oed.”

Dywedodd fod angen mwy o amrywiaeth yn Senedd Cymru.

“Byddwn i’n hoffi gweld mwy o fenywod, mwy o bobl o liw a chefndiroedd difreintiedig, er enghraifft, fel bod y Senedd yn edrych fel pobl Cymru”.

Gallwch wylio’r cyfweliad yn llawn ar Y Byd yn Ei Le ar S4C nos Fercher am 8.25yh.