Mae Heddlu Gogledd Cymru yn ymchwilio yn dilyn marwolaeth dyn 19 oed mewn gwrthdrawiad ar yr A55 rhwng Dwygyfylchi a Chonwy am tua 01:35 fore dydd Sul.

Roedd y dyn yn gyrru Vauxhall Astra i gyfeiriad y dwyrain pan fu mewn gwrthdrawiad gyda cherbyd nwyddau trwm Volvo melyn.

Mae'r Uwch Grwner dros Ogledd Ddwyrain Cymru, Mr John Gittins, wedi cael gwybod.

Dywedodd Sarjant Raymond Williams o Uned Plismona'r Ffyrdd: "Estynnaf fy nghydymdeimlad dwysaf i deulu'r gŵr ifanc. Maent yn cael cefnogaeth gan Swyddog Cyswllt Teulu arbenigol ar hyn o bryd.

"Rwy'n annog unrhyw un welodd y damwain, neu rywun oedd yn teithio ar yr A55 rhwng Bangor a’r lleoliad ar amser y gwrthdrawiad i gysylltu â'n tîm cyn gynted â phosib i helpu gyda'n hymchwiliad. Rwy'n awyddus i glywed gan unrhyw un sydd hefo tystiolaeth ar dashcam o unrhyw un o’r cerbydau.

“Roedd y ffordd ar gau er mwyn i'r Uned Gwrthdrawiadau Fforensig gasglu tystiolaeth . Ail agorwyd y ffordd am 10:45. Hoffwn ddiolch i'r cyhoedd am eu hamynedd a'u dealltwriaeth."

Mae'r heddlu'n gofyn i unrhyw un sydd gyda unrhyw wybodaeth allai helpu’r ymchwiliad i gysylltu gyda swyddogion yn yr Uned Plismona'r Ffyrdd trwy ddefnyddio'r gwasanaeth SgwrsFyw, neu drwy alw 101, gan ddyfynnu cyfeirnod 22000314137.