Cafodd staff yn Downing Street eu gwahodd i barti diodydd yng ngardd Rhif 10 yn ystod cyfnod clo cenedlaethol.

Dywedodd y gwahoddiad y byddai'n gyfle "i wneud y mwyaf o'r tywydd braf".

Mae e-bost sydd wedi ei rannu gydag ITV News yn cynnig tystiolaeth o barti ar 20 Mai, 2020.

EXCL: Email obtained by @itvnews proves over 100 staff were invited to drinks party in No 10 garden at height of lockdown to “make the most of the lovely weather”.

We’re told PM and his wife attended, with staff invited to “bring your own booze!”https://t.co/rg34EIkdz2 pic.twitter.com/UORlSwwHJX

— Paul Brand (@PaulBrandITV) January 10, 2022

Cafodd yr e-bost ei anfon gan Brif Ysgrifennydd Preifat y Prif Weinidog i fwy na 100 o weithwyr yn Rhif 10, gan gynnwys ymgynghorwyr ac awduron areithiau'r Prif Weinidog.

Mae ymchwiliad i honiadau o bartïon eraill yn Downing Street eisoes ar waith, a dywedodd llefarydd wrth ITV News na fydden nhw'n gwneud sylw tra bo'r ymchwiliad yn mynd yn ei flaen.

Darllenwch fwy ar y stori yma.

Llun: Chatham House (drwy Flickr)