Mae'r Swyddfa Dywydd wedi cyhoeddi rhybudd melyn am wyntoedd cryfion ar draws Cymru drwy gydol dydd Gwener. 

Fe fydd y rhybudd yn dod i rym am 09:00 ddydd Gwener ac yn parhau hyd at 23:59 yr un diwrnod. 

Mae disgwyl i Storm Arwen achosi gwyntoedd cryfion a allai effeithio trafnidiaeth gyhoeddus ac mae siawns y bydd rhai ffyrdd yn cael eu cau.

Mae'r Swyddfa Dywydd yn rhybuddio bod colli pŵer am gyfnodau byr yn bosib.

Cawodydd a glaw dros nos, allai fod yn aeafol. Rhybudd melyn o wyntoedd cryfion yfory. Llŷr sydd â'r rhagolygon... pic.twitter.com/cUE6K8CZ3G

— S4C Tywydd (@S4Ctywydd) November 25, 2021

Yn ôl y rhagolygon mae'n bosib y bydd hyrddiau yn cyrraedd 55 i 65 milltir yr awr yn yr ardaloedd arfordirol.

Mae rhybudd melyn am wyntoedd cryfion hefyd mewn grym ar gyfer dydd Sadwrn.

⚠ Rhybudd Tywydd ⚠

Mae gan y @metoffice wasanaeth rhagolygon tywydd 24 awr ar-lein sy'n rhoi manylion eglur am gyflwr y ddaear, gwelededd, cyflymder a chyfeiriad y gwynt, a thymheredd ym mhob rhan o Eryri - nid dim ond ar gyfer y mynyddoedd. 👇https://t.co/ANiJuMV2kL pic.twitter.com/D5cED1IM5f

— Y Parc Cenedlaethol (@croesoeryri) November 26, 2021

Y siroedd sy’n wynebu’r rhybudd yw Abertawe, Castell-nedd Port Talbot, Ceredigion, Conwy, Gwynedd, Powys, Sir Gaerfyrddin, Sir Benfro, Sir Ddinbych, Sir y Fflint, Ynys Môn a Wrecsam.