Mae gwasanaethau mamolaeth wedi eu hatal dros dro yn ardal Bwrdd Iechyd Aneurin Bevan oherwydd prinder staff.

Mae bwrdd iechyd wedi atal eu gwasanaethau mamolaeth a gwasanaeth geni yn y cartref mewn pedwar ysbyty.

Yn ôl y bwrdd, maent yn delio â niferoedd uchel o enedigaethau a phrinder staff ar hyn o bryd oherwydd salwch a hunanynysu.

Yn sgil hyn, mae'r bwrdd wedi cyhoeddi y bydd eu gwasanaethau mamolaeth yn Ysbyty Brenhinol Gwent, Ysbyty Nevill Hall, Ysbyty Aneurin Bevan ac Ysbyty Ystrad Fawr yn cael eu hatal dros dro.

Mae'r mesur mewn lle rhwng 7 Hydref hyd 18 Hydref er mwyn "gwarchod diogelwch menywod beichiog a babanod".

Mae mamau beichiog yn cael eu gyrru i Ysbyty Athrofaol Y Faenor am ofal.

Mewn datganiad ddydd Gwener, dywedodd y bwrdd iechyd: "Ar hyn o bryd rydym yn profi nifer uchel o enedigaethau ac absenoldeb staff tymor byr oherwydd salwch a hunanynysu yn ein gwasanaethau mamolaeth."

Mae'r bwrdd yn ymddiheuro i'r "nifer bychain" o fenywod beichiog fydd yn cael eu heffeithio.