Mae bachgen 14 oed wedi'i arestio ar amheuaeth o geisio creu dyfais ffrwydrol gyda'r bwriad o beryglu bywyd.

Cafodd Heddlu Dyfed-Powys eu galw i Snowdrop Lane yn Hwlffordd am tua 10.40 fore Sul 6 Medi yn dilyn adroddiadau o wrthrych amheus.

Cafodd tîm Gwaredu Ordnans Ffrwydrol eu galw i'r lleoliad er mwyn archwilio'r eitem.

Cafodd y ffordd ei chau er mwyn sicrhau diogelwch trigolion. Mae'r heddlu wedi diolch iddyn nhw am eu hamynedd.

Mae ymchwiliadau'r llu yn parhau.