Fe fydd y cyflwynydd teledu a'r actor Shane Richie yn ymddangos yn y llys fis nesaf wedi'i gyhuddo o yrru dan ddylanwad alcohol.

Fe fydd Richie, o dan ei enw go iawn Shane Roche, yn ymddangos yn Llys Ynadon Colchester ar 9 Medi.

Cafodd Richie, sy'n 62 oed, sy'n fwyaf adnabyddus am chwarae rhan Alfie Moon yn EastEnders, ei arestio yn Harlow ar ôl i swyddogion heddlu gael eu galw yn dilyn adroddiadau am unigolyn dan amheuaeth o yrru dan ddylanwad alcohol.

Mewn datganiad, dywedodd yr heddlu: "Cafodd swyddogion eu galw yn dilyn adroddiadau am rywun yr oedd amheuaeth eu bod yn gyrru dan ddylanwad alcohol yn ardal Church Langley Way, Harlow, ychydig cyn 11:20 ddydd Mercher 29 Gorffennaf.

"Ar ôl cyrraedd y fan a'r lle, arestiodd y swyddogion ddyn. 

"Yn dilyn hynny, awdurdodwyd cyhuddiad o yrru dan ddylanwad alcohol yn erbyn Shane Roche, 62 oed, o Tadworth, Surrey.

"Mae disgwyl iddo ymddangos yn Llys Ynadon Colchester ddydd Mercher 9 Medi." 

Mae cynrychiolydd Richie wedi cael ei gysylltu i ofyn am sylw.