Mae dyn oedrannus wedi cael ei arestio a'i gyhuddo o drosedd anweddus honedig ar draeth poblogaidd ym Môn.

Cafodd y dyn 81 oed ei gyhuddo o'r drosedd o sarhau gwedduster cyhoeddus ('outraging public decency') yn ardal y traeth yn Aberffraw.

Digwyddodd y digwyddiad brynhawn dydd Sadwrn meddai Heddlu Gogledd Cymru. 

Mae pentref Aberffraw ar arfordir de orllewin Sir Fôn ac mae wedi ei leoli yng ngheg yr Afon Ffraw.

Bydd y dyn sydd wedi ei gyhuddo yn ymddangos yn y llys fis nesaf.