Mae menyw 87 oed wedi marw yn dilyn gwrthdrawiad yng Nghasnewydd.

Cafodd y gwasanaethau brys eu galw i Stow Park Avenue am 15:55 ddydd Mawrth yn dilyn adroddiad am wrthdrawiad rhwng car a cherddwr.

Cafodd y fenyw, oedd yn cerdded, ei chludo i’r ysbyty, lle bu farw’n ddiweddarach.

Mae teulu’r fenyw wedi cael gwybod.

Mae Heddlu Gwent yn parhau i ymchwilio i’r digwyddiad ac yn galw ar unrhyw dystion i rannu gwybodaeth neu luniau dashcam.

Fe all unrhyw un sydd ag unrhyw wybodaeth gysylltu â’r llu gan ddyfynnu’r cyfeirnod 2600059370.