Gall chwarae rygbi ar lefel broffesiynol am un tymor yn unig gael effaith ar ymennydd chwaraewyr, yn ôl astudiaeth gan Brifysgol De Cymru.

Dilynodd ymchwilwyr o Brifysgol De Cymru dîm proffesiynol sydd yn y Bencampwriaeth Rygbi Unedig am dymor cyfan a phrofi chwaraewyr cyn, yn ystod, ac ar ddiwedd y tymor.

Yn ôl yr ymchwil, yn y cyfnod hwnnw fe all llif gwaed i’r ymennydd a gweithgaredd wybyddol (cognitive function) ddirywio.

Dywed The Guardian fod yr adroddiad yn dangos bod chwaraewyr wedi profi lleihad mewn llif gwaed i’r ymennydd yn ystod y tymor, a bod hyn yn effeithio ar eu gallu i resymu, cofio a ffurfio syniadau.

Mae’r ymchwil hefyd yn dangos bod ergydion cyson i’r pen, nid dim ond cyfergydion, yn gallu cael effaith ar yr ymennydd wrth chwarae’r gêm.

Darllenwch y stori’n llawn yma.

Llun: Huw Evans