Mae dyn wedi cael ei arestio ar amheuaeth o lofruddio yn dilyn marwolaeth dyn 85 oed yn Sir Benfro ddydd Gwener. 

Cafodd Heddlu Dyfed-Powys wybod am farwolaeth “sydyn” dyn oedrannus mewn eiddo ar Ffordd Hawkstone, Doc Penfro am tua 13.30 brynhawn Gwener. 

Dywedodd y llu bod dyn yn ei 40au wedi cael ei arestio wedi’r digwyddiad. 

Mae’n cael ei gadw yn y ddalfa wrth i ymchwiliadau’r heddlu barhau. 

Mae’r llu wedi dweud y dylai trigolion lleol disgwyl gweld mwy o swyddogion yn yr ardal wrth iddyn nhw gynnal eu hymchwiliad.