Mae’r Swyddfa Dywydd wedi cyhoeddi rhybudd melyn am law i rannau o Gymru ddydd Iau. 

Fe ddaeth y rhybudd i rym am 05:00 fore Iau ac yn parhau mewn grym tan 21:00 ddydd Gwener.

Ardaloedd yn ne Cymru fydd yn cael eu heffeithio gan y tywydd garw yn bennaf, gyda pheryg y gallai’r glaw trwm achosi llifogydd mewn rhai llefydd. 

Bydd cawodydd trwm trwy gydol y dydd yn golygu y gallai oedi ar y ffyrdd ac i drafnidiaeth gyhoeddus fod yn debygol ddydd Iau. 

Mae’n bosib y gallai rhai cartrefi a busnesau golli cyflenwadau trydan am gyfnod neu ddioddef llifogydd, rhybuddiodd y Swyddfa Dywydd. 

Mae disgwyl i 20-30mm o law gwympo yn y rhan fwyaf o lefydd o fewn ardal y rhybudd, gyda hyd at 50mm o law mewn mannau eraill. 

Fe fydd y rhybudd yn effeithio ar y siroedd canlynol:

• Blaenau Gwent
• Caerffili
• Merthyr Tudful
• Powys
• Rhondda Cynon Taf
• Sir Ddinbych
• Sir Fynwy
• Sir Y Fflint
• Torfaen
• Wrecsam