Mae llong bren enfawr a fydd yn ganolbwynt i waith i ailwampio parc goffa Y Dywysoges Diana yn Llundain bron wedi ei chwblhau.

Y gobaith yw bydd y parc yng ngorllewin Llundain yn agor yn yr haf wedi i'r gwaith £3 miliwn ddod i ben.

Mae'r llong yn cael ei hadeiladu wrth Alpau Bafaria yn Yr Almaen cyn cael ei throsglwyddo i Lundain.

Mae wedi ei hadeiladu o goedwigoedd sydd yn cael eu rheoli'n gynaliadwy yn Alpau Bavaria.

Cafodd y parc, sydd wedi ei leoli yng Ngerddi Kensington, ei gau ar gyfer y gwaith yn yr hydref y llynedd.

Mae tua miliwn o bobl yn ymweld â'r parc coffa pob blwyddyn.

Image

Fe fydd y llong 12 metr o uchder yn cynnwys sleid, a mynedfa i'r prif ddec ar gyfer pobl mewn cadair olwyn.

Dywedodd Andy Williams, rheolwr y parc yng Ngerddi Kensington bod y parc newydd yn cael ei adeiladu "yn ysbryd y Dywysoges Diana".

"Mae'r parc wir yn cyffwrdd â dychymyg plant, mae'n gadael iddyn nhw deimlo'n rhydd mewn lle diogel," meddai.

"Mae'n cael ei adeiladu yn ysbryd y Dywysoges Diana - rydym wedi bod yn driw wrth wneud hynny."