Mae’r heddlu yn y Swistir wedi adnabod cyrff 16 arall o’r 40 o bobl a fu farw yn dilyn tân mewn bar yn Crans-Montana.

Merch 14 oed oedd y person ieuengaf o’r Swistir, gyda naw o dan 18 oed.

Mae’r rhai a fu farw yn cynnwys pobl o’r Swistir, Yr Eidal, Rwmania, Twrci a Ffrainc, meddai’r heddlu ddydd Sul.

Mae hyn yn dod â nifer y meirw sydd wedi cael eu hadnabod i 24.

Mae rheolwyr Le Constellation, y bar lle bu farw 40 o bobl yn dilyn y tân, wedi cael eu rhoi dan ymchwiliad troseddol.

Cafodd 119 o bobl eraill eu hanafu yn y tân ar Nos Galan, meddai swyddogion. 

Dywedodd yr heddlu na fydd unrhyw fanylion pellach yn cael eu rhyddhau am y dioddefwyr yr oeddent wedi’u hadnabod allan o barch at eu perthnasau.

Cyhoeddwyd diwrnod cenedlaethol o alaru yn y Swistir ar gyfer 9 Ionawr.

Llun: Reuters