Mae'r Swyddfa Dywydd wedi cyhoeddi rhybudd melyn am law trwm i'r de a'r canolbarth ddydd Sadwrn.

Fe fydd y rhybudd yn dod i rym am 06:00 ac yn dod i ben am 23:59.

Yn ôl y Swyddfa Dywydd mae posibilrwydd o lifogydd ac fe allai'r glaw achosi difrod i adeiladau.

Fe allai'r tywydd gael effaith ar wasanaethau trên a bysiau, ac fe allai arwain at golli cyflenwadau trydan mewn rhai llefydd.

Mae'r rhybudd mewn grym ar gyfer y siroedd canlynol:

• Blaenau Gwent
• Pen-y-bont ar Ogwr
• Caerffili
• Caerdydd
• Sir Gâr
• Ceredigion
• Merthyr Tudful
• Sir Fynwy
• Nedd Port Talbot
• Casnewydd
• Sir Benfro
• Powys
• Rhondda Cynon Taf
• Abertawe
• Torfaen
• Bro Morgannwg