Mae degau o ysgolion yn parhau i fod ar gau yn y de orllewin ddydd Gwener, yn dilyn y tywydd gaeafol yn yr ardal dros y diwrnodiau diwethaf.

Roedd cryn darfu ar wasanaethau ac addysg disgyblion a myfyrwyr yn Sir Benfro ddydd Iau, ac mae problemau'n parhau ddydd Gwener.

Mae'r Swyddfa Dywydd wedi cyhoeddi rhybudd melyn am rew i rannau o Gymru. 

Mae'r rhybudd wedi bod mewn grym ers 00:00 ac fe fydd yn parhau tan 11:00 fore Gwener. 

Mae'r rhybudd yn berthnasol i Sir Gaerfyrddin, Ceredigion, Sir Conwy, Gwynedd, Ynys Môn a Sir Benfro.

Fe allai palmentydd, llwybrau cerdded a llwybrau seiclo fod yn llithrig - ac mae'r Swyddfa Dywydd yn rhybuddio y gallai pobl dioddef anafiadau os nad ydynt yn ofalus.

Yn ôl Cyngor Sir Benfro, mae'r ysgolion canlynol i gyd ar gau ddydd Gwener:

• Ysgol WR Yr Eglwys yng Nghymru Cilgerran
• WR Ysgol Cosheston
• Ysgol Gynradd Gymunedol Fenton - Hwlffordd
• Ysgol Uwchradd WR Hwlffordd
• Ysgol Gynradd Llandyfái
• Canolfan Adnoddau Dysgu - Neyland
• Ysgol Mair Wiwlan - Hwlffordd
• Ysgol Gynradd Gymunedol Priordy Cil-maen
• Ysgol WR yr Eglwys yn Nghymru Hwlffordd
• Ysgol Gymunedol Neyland
• Ysgol Portfield - Hwlffordd
• Ysgol Gynradd Gymunedol Prendergast - Hwlffordd
• Ysgol Gynradd Gymunedol Cas-mael
• Ysgol Gynradd Gymunedol Sageston
• Ysgol WG Yr Eglwys yng Nghymru St Aeddan Cas-wis
• Ysgol Gynradd Gatholig St Ffransis - Aberdaugleddau
• Ysgol Gynradd Gatholig St Teilo Dinbych-y-pysgod
• Ysgol Gynradd Gymunedol Stepaside - Cilgeti
• Ysgol Gynradd Wirfoddol a Reolir Dinbych-y-pysgod
• Ysgol Bro Gwaun - uwchradd - Abergwaun
• Ysgol Bro Ingli - Trefdraeth
• Ysgol Caer Elen
• Ysgol Clydau - Tegryn
• Ysgol Ger y Llan - Treletert
• Ysgol Gymunedol Brynconin - Llandysilio
• Ysgol Gymunedol Maenclochog
• Ysgol Gymunedol Gynradd Eglwyswrw
• Ysgol Hafan y Môr
• Ysgol Llanychllwydog Cwm Gwaun
• Ysgol Bro Preseli
• Ysgol Bro Penfro

 Mae sawl ysgol ar gau yn Sir Gaerfyrddin ddydd Gwener hefyd. Yr ysgolion hyn yw:

• Ysgol Gynradd Beca, Clunderwen, Ysgol Bro Brynach, Hendygwyn, Ysgol Uwchradd Dyffryn Taf, Hendygwyn, Ysgol Gynradd Talacharn, Ysgol Maes y Morfa, Llanelli ac Ysgol Pwll, Llanelli.