Mae dyn wedi ei arestio ar amheuaeth o losgi bwriadol ôl tân amheus mewn campfa newydd ar leoliad hen ysgol uwchradd yn Llandysul, Ceredigion.

Dywedodd Heddlu Dyfed Powys bod y dyn 37 oed wedi ei ryddhau ar fechnïaeth amodol tra bod ymchwiliadau’r heddlu yn parhau.

Fe wnaeth yr heddlu dderbyn adroddiad am dân mewn adeilad masnachol ar Heol Llyn y Fran, Llandysul am 06.00 ddydd Iau, 13 Tachwedd, medden nhw.

Ni chafodd unrhyw un ei anafu.

“Mae’r tân yn cael ei drin fel un amheus ar hyn o bryd,” meddai’r heddlu.

Agorodd campfa Y Gampfa ei drysau ar 1 Tachwedd ar hen safle Ysgol Dyffryn Teifi, a gaeodd yn 2016.