Mae’r heddlu’n cynnal ymchwiliad ar ôl i ddyn farw yng Nghastell Newydd Emlyn, Sir Gaerfyrddin.

Mae’r farwolaeth yn cael ei thrin fel un “heb esboniad” ar hyn o bryd, meddai Heddlu Dyfed-Powys.

Derbyniodd yr heddlu adroddiad am farwolaeth sydyn mewn eiddo ar Ffordd yr Orsaf yn y dref tua 12.00 ddydd Sul.

Roedd y gwasanaeth ambiwlans eisoes yn bresennol ar ôl derbyn adroddiadau am berson nad oedd yn ymatebol.

“Er gwaethaf ymdrechion y gwasanaethau brys, yn anffodus cyhoeddwyd bod y dyn wedi marw yn y fan a’r lle,” meddai’r heddlu.

“Mae’r farwolaeth yn cael ei thrin fel un heb esboniad ar hyn o bryd, ac mae ymchwiliad i’r amgylchiadau wedi dechrau.

“Nid oes unrhyw reswm i’r gymuned bryderu.

“Mae perthnasau agosaf y dyn a fu farw wedi cael gwybod ac maent yn cael eu cefnogi gan swyddogion. Mae ein meddyliau gyda’r teulu yn ystod yr amser anodd hwn.

“Mae’r crwner wedi cael gwybod.”